Showing posts with label Tyron Perez. Show all posts
Showing posts with label Tyron Perez. Show all posts

Sunday, January 8, 2012

Why Liv Espino was missing at funeral of husband Tyron Perez?

Naging malaking katanungan sa karamihan ang hindi pagpunta ni Liv Espino sa libing ng kanyang asawang si Tyron Perez.

Inihatid sa kanyang huling hantungan si Tyron kahapon ng umaga, Enero 5, Huwebes, sa Jaika Cemetery ng Concepcion, Tarlac.

Marami ang nakiramay at dumalo sa libing ng young actor, pero kapansin-pansin na wala nga si Liv.

Dahil dito, maraming espekulasyon ang nagsilabasan, lalo na't hindi pa rin malinaw hanggang ngayon ang totoong dahilan ng pagkamatay ni Tyron.

Tinatanong pa rin ng publiko kung totoo nga bang nagpatiwakal siya sa pamamagitan ng pagbaril sa sarili.

At inaalam pa rin ng mga pulisya ang kasagutan.

Ngunit ayon sa panayam ni Liv dito sa PEP.ph (Philippine Entertainment Portal), kumbinsido siya na "suicide" ang pagkamatay ng asawa.

Pero sa panayam naman sa mga kaanak ni Tyron—kabilang na ang ama niyang si Carlito Perez—hindi sila makapaniwalang kikitilin ng aktor ang sarili nitong buhay.

LATEST INFO. Ayon sa nailathalang report ni Gorgy Rula para sa PEP kaninang umaga, nagpunta si Liv sa bahay nina Tyron noong Miyerkules, Enero 4, bandang alas-onse ng gabi.

Pero umalis din daw ito ng mga alas-tres ng madaling-araw kinabukasan.

Ayon pa sa report, nagkaroon daw ng kaunting kaguluhan kaya nagdesisyon si Liv na umalis na lang.

Kaugnay nito, isang source na malapit kay Liv ang nakausap ng PEP kaninang hapon, Enero 6.

Kinumpirma nitong nagpunta nga si Liv sa bahay nina Tyron.

Kinumpirma rin ng source na may nangyari ngang kaguluhan kaya umalis si Liv.

Pero nagkaroon lang ng pagkakaiba sa oras nang pagpunta at pag-alis ni Liv.

Ayon sa source, pagkaalis ni Liv ng madaling-araw ng Huwebes ay bumalik din ito kinaumagahan para sa libing ni Tyron.

Pero nagkaroon daw ng hindi pagkakaintindihan sa pagitan ni Liv at ng extended family ni Tyron sa simbahan pa lang.

Nagbanta diumano kay Liv at sa pamilya nito ang ilang pinsan ni Tyron: "Kapag hindi sila umalis dito, alam na nila ang kalalagyan nila."

Ito raw ang dahilan kaya napagdesisyunan ng kampo ni Liv na umalis na lang.

Pero nagpaalam naman daw nang maayos si Liv sa mga magulang ni Tyron na sina Carlito at Lucia Perez.

Sabi pa ng PEP source, masakit man at labag sa kalooban, minabuti na lamang daw ni Liz at ng kanyang pamilyang umalis—para na rin sa sariling kaligtasan at bilang respeto sa alaala ni Tyron.

Pagsisiwalat pa ng source ng PEP, nagpunta pa rin si Liv sa puntod ni Tyron.

Ito ay noong Huwebes na ng gabi—o ilang oras matapos ilibing ang kanyang asawa.

Kasama raw ni Liv ang kanyang pamilya at ilan pang kamag-anak.

Pagsasalaysay pa ng source, masakit para kay Liv ang mga lumalabas na balita at espekulasyon tungkol sa hindi niya pagdalo sa mismong libing ng sariling asawa.

Na kesyo mas inuna pa raw ni Liv ang trabaho kaysa sa libing ni Tyron.

Dagdag pa ng source, wala raw katotohanan ang haka-hakang iyon: Hindi raw ipagpapalit ni Liv ang oras na maihatid nito sa huling hantungan si Tyron sa anupamang trabaho.

At kahit daw masakit sa asawa ng aktor ang mga pangyayari, taos-puso pa rin daw nagpapasalamat si Liv sa lahat ng dumamay, tumulong, at nagparamdam ng pagmamahal kay Tyron.

Source: http://www.gmanetwork.com/news/story/243741/showbiz/pep-scoop-why-liv-espino-was-missing-at-funeral-of-husband-tyron-perez?ref=subsection_banner
Posted on 5:15 AM / 0 comments / Read More

Wednesday, January 4, 2012

Tyron Perez to be buried in Tarlac today

Star Magic artist Tyron Perez will be laid to rest on Thursday afternoon in Concepcion, Tarlac.

Perez, who started his showbiz career after joining a talent reality show in 2003, was found dead inside his car last December 29.

In an interview, Carlito, Perez' father, said he does not believe that the actor committed suicide. He added that there must have been another gunman with Perez the night he died.

According to Perez' friends, the actor had gambling problems as well as marital woes with his wife Liv.

Perez' was part of ABS-CBN's defunct hit series "Mula sa Puso."

Last December 3, he appeared in an episode of "Maalaala Mo Kaya."

Source: http://www.abs-cbnnews.com/entertainment/01/05/12/tyron-perez-be-buried-tarlac-today
Posted on 8:00 PM / 0 comments / Read More

Tuesday, January 3, 2012

Huling hininga ni Tyron Perez, narinig ng asawa sa telepono

Labis ang pagdadalamhati ng misis ni Tyron Perez sa hinihinalang kaso ng pagpapatiwakal ng aktor sa pamamagitan ng pagbaril sa sarili.

Sa panayam ni GMA News reporter Cata Tibayan, ikinuwento ni Liv Espino-Perez, asawa ni Tyron, na kausap niya sa telepono ang mister nang ipaalam nito ang gagawing pagpapakamatay.

“Magpapakamatay na 'ko. Parang ako naman knowing him parang feeling ko hindi naman. ‘Gusto mong marinig,’ sabi niya. Yun narinig ko parang nahulog na malaking bagay tapos nahulog yung phone niya. Narinig ko yung last breath niya parang nag-struggle," malungkot na kwento ni Liv sa GMA news 24 Oras nitong Biyernes.

Sa loob ng apat na taon nang pagiging mag-asawa, mahirap umano para sa 28-anyos na si Liv na maaga siyang iniwan ni Tyron, 26-anyos.

Nitong Huwebes ng gabi, nakita si Tyron sa loob ng nakaparada niyang sasakyan na Toyota Altis sa Brgy Ugong, Valenzuela na wala ng buhay.

May isang tama ng bala sa ulo si Tyron na pinapaniwalaang nagmula sa cal. 22 na nakita rin sa loob ng sasakyan.

Sa hiwalay na ulat ni GMA News reporter Ian Cruz, sinabi ni Police Sr. Insp. Arthur Quinones, investigation chief ng Valenzuela police, na hindi pa niya puwedeng ideklarang suicide ang nangyari kay Tyron.

“Sa ngayon po hindi ko masasabing suicide ‘yan dahil kasalukuyan pa kaming nag-iimbestiga. Yung mga na-recover naming material evidence dun, pinadala namin sa crime lab for examination," paliwanag ng opisyal.

Isinailalim din sa paraffin test ang mga kamay ni Tyron para malaman kung nagpaputok nga ito ng baril.

Batay naman sa sinumpaang salaysay ng mga kaibigan ng aktor, lumitaw na may problema sa pamilya at pera ang aktor.

Nagkaroon din umano ng utang sa casino si Tyron at naisangla ang kotseng Toyota. Gayunman, natubos ito kamakailan sa tulong ng kaibigan.

Pansamantalang tumutuloy si Tyron sa bahay ng isang kaibigan sa Valenzuela nang mangyari ang trahedya. Bagaman kilalang masayahin si Tyron, malungkot umano ito nang umalis noong Huwebes ng umaga.

Hindi naman malaman ni Liv kung papaano babangon sa trahedya ngayong wala na ang kanyang mister. Balak pa naman umano nilang magsimula ng buhay sa pagpasok ng 2012.

Patuloy naman dating ng mga kamag-anak at kaibigan ni Tyron sa Loyola Memorial Park sa Paranaque kung saan nakalagak ang kanyang mga labi.

Kabilang sa mga nagtungo sa burol ng aktor ay kanyang mga nakasama sa Starstruck na sina Nadine Samonte, Jade Lopez ay Yazmin Kurdi.

Source: http://www.gmanetwork.com/news/story/243140/showbiz/chikaminute/huling-hininga-ni-tyron-perez-narinig-ng-asawa-sa-telepono
Posted on 8:26 AM / 0 comments / Read More

Young actor na si Tyron Perez, natagpuang patay sa Valenzuela

Natagpuang patay sa loob ng isang sasakyan ang aktor na si Tyron Perez nitong Huwebes ng gabi sa Valenzuela City, ayon sa ulat ng Philippine Entertainment Portal (PEP).

Sa artikulo ni Karen A. Pagsolingan, na lumabas sa PEP nitong Huwebes ng gabi, sinabing unang kumakalat ang balita tungkol sa pagpanaw ng aktor sa Internet.

Ayon umano sa blogger na si Lloydy Gaga, natagpuan ang aktor na wala nang buhay sa isang "abandoned car sa Valenzuela."

Wala pang gaanong detalye pero ang anggulong "suicide" umano ang dahilan.

Kasalukuyan nang nangangalap ng iba pang impormasyon ang PEP.ph tungkol sa nangyaring insidente, ayon sa ulat.

Sa hiwalay na tweet naman ng GMA News reporter na si Mark Salazar, sinabi nito na: “Young actor Tyrone Perez committed suicide."

Mabilis na kumalat sa Twitter ang nangyari sa aktor at nanguna ito sa trending topic.

Si Tyron, 26-anyos, tubong Tarlac, ay produkto ng reality based talent search ng GMA 7 na StarStruck noong 2003.

Pagkaraan ng ilang taon ay lumipat siya ibang television network.

Sumabak sa matured role si Tyron sa pelikulang Twilight Dancers noong 2006 kung saan gumanap siya sa role ng isang macho dancer.

May tama ng bala ng baril sa sentido

Sa ulat ng GMA News reporter JP Soriano para sa Saksi nitong Huwebes ng gabi, sinabing nakita ang bangkay ni Tyron sa loob ng isang nakaparadang kotse sa service road sa Brgy Ugong sa Valenzuela dakong 7:00 p.m.

Sa panayam kay Senior Inspector Arthur Quinones ng Valenzuela City police, nakitaan umano ng mga imbestigador ng Scene of the Crime Operative (SOCO) ng isang tama ng bala sa kanang sintido si Tyron.

Isang baril at basyo ng bala ang nakita rin umano sa loob ng sasakyan.

Hindi pa malinaw ang buong detalye sa pagkamatay ng aktor pero batay sa impormasyon na ibinigay sa pulisya ng kaibigan ni Tyron na si Alvin Salazar, may balak daw itong magpakamatay.

Matapos umanong makausap ni Tyron ang misis nito sa telepono, sinabi ng aktor sa misis ni Alvin ang kanyang planong magpakamatay.

Idinagdag pa nito na wala naman daw silang nakitang kakaiba sa ikinikilos ng aktor sa mga nakaraang araw.

Tahimik at mabait din umano si Tyron at wala silang alam na kaaway o problema nito.

Source: http://www.gmanetwork.com/news/story/243049/showbiz/chikaminute/report-young-actor-na-si-tyron-perez-natagpuang-patay-sa-valenzuela
Posted on 8:25 AM / 0 comments / Read More
 
Copyright © 2011. Pinoy Celebrity Talk . All Rights Reserved
Pinoy Celebrity Talk | Design by Herdiansyah . Published by Borneo Templates