Sexy Kapuso star Sam Pinto, happy na raw sa kanyang body

Pinagtatapat pagdating sa paseksihan ang mga Kapuso star na sina Sam Pinto at Ellen Adarna, kapwa paboritong cover ng mga men’s magazine.

Last year ay nakuha ni Sam ang titulo bilang sexiest Pinay ng FHM magazine. Last month naman ay pinagkaguhan ng mga kalalakihan ang naturang babasahin kung saan ang sexy photo ni Ellen ang nasa cover.

Sa Showbiz Exclusive ng GMA News TV nitong Miyerkules, sinabing hindi ikinaila ni Ellen na may bahagi ng kanyang katawan ang dumaan sa cosmetic surgery.

Dito ay natanong si Sam kung okey din lang ba kanya na maging kabilang sa mga matatawag na “salamat po doc" beauty.

Pero sabi ni Sam, masaya na siya sa kanyang katawan ngayon. Pero wala naman daw masama kung may mga taong sumasailalim sa cosmetic surgery.

Source: http://www.gmanetwork.com/news/story/249008/showbiz/chikaminute/sexy-kapuso-star-sam-pinto-happy-na-raw-sa-kanyang-body

Posted on 7:17 PM / 0 comments / Read More

Sam Pinto says she's open to doing 'nice' and 'classy' sexy films

Naging usap-usapan ng mga male netizens kung sino ang mas angat sa kaseksihan: FHM January 2012 cover girl Ellen Adarna o FHM Sexiest Woman in the World 2011 Sam Pinto?

Pabirong sumagot si Ellen sa PEP.ph (Philippine Entertainment Portal) nang aming kunin sa pamamagitan ng Facebook ang kanyang reaksyon sa ganitong usap-usapan.

Sulat niya sa Facebook: "Totoo ba to??!! Hahahahahhah of course flattered sino ba naman ang hindi 'diba? Ganda ganda at sexy ni sam. oo diba? bongga."

NO COMPETITION. Kaugnay nito, nagbigay na rin ng pahayag si Sam Pinto sa naturang usap-usapan.

Ayon sa report ni Lhar Santiago kagabi, Enero 24, sa "Chika Minute" segment ng GMA-7 news program na 24 Oras, sinabi ni Sam na walang kompetisyon sa pagitan nila ng kapwa Kapuso star.

"For me naman, we're just really friends.

"Parang for me and for us, we have no competition at all.

"When I saw her nga in FHM, 'Oh my god, ang hot mo!' sabi ko. Tineks ko pa nga siya, e.

"Tapos, sabi niya, 'I'm just following your footsteps sa sexiness.' Sabi ko, 'Hindi, ibang level 'yong sa'yo!'"

LEADING LADY. Samantala, sinasabing isa si Sam sa mga "in demand" na leading ladies ngayon ng ilang sikat na lead actors.

Marami na raw kasing mga aktor ang nagtatanong kung maaari ba nilang makatambal ang aktres.

Masaya naman si Sam nang malaman ito, at sinabing "game" at "honored" siya na makatrabaho ang mga aktor na ito.

Katunayan, siya ang katambal ni Cesar Montano sa pelikulang Hitman, na ipapalabas sa Pebrero 22.

Mayroong love scene sina Cesar at Sam sa pelikulang ito, at talagang napahanga raw dito si Cesar kay Sam.

Ani Cesar sa hiwalay na panayam ng PEP, "Alam n'yo, sa totoo lang, pagkatapos ng eksena naming yun, namamangha ako.

"Parang earthquake, may aftershock.

"Hindi mo siya nakakalimutan. Mahirap kalimutan."

Dahil sexy nga ang mga eksena ni Sam, kasama si Cesar, sa Hitman, tinanong ng PEP si Sam kung gagawa na siya ng mga sexy films.

Sagot ng Viva star, "I don't know, lets see.

"Depende siguro sa story and sa character, and if ever may sexy scenes, siguro we will still do it in a nice and classy way."

Bukod sa paggawa ng pelikula, abala rin si Sam ngayon sa primetime soap opera ng GMA-7, ang Legacy.

Dito ay kasama niya ang mga sexy ring mga aktres na sina Heart Evangelista, Alessandra de Rossi, at Lovi Poe.

Source: http://www.gmanetwork.com/news/story/245714/showbiz/sam-pinto-says-she-s-open-to-doing-nice-and-classy-sexy-films?ref=section_banner

Posted on 8:10 AM / 0 comments / Read More

Sa paseksihan: 'Walang kompetisyon sa amin ni Ellen Adarna' -- Sam Pinto

Nagulat daw ang itinuturing sexiest Pinay ngayon na si Sam Pinto nang mabalitaan ang isyu na tila pinagkukumpara sila sa paseksihan ng kapwa Kapuso star na si Ellen Adarna.

Sa panayam ni showbiz reporter Lhar Santiago para sa Chika Minute ng GMA news 24 Oras nitong Martes, sinabi ni Sam na magkaibigan sila ni Ellen at hindi sila nagkukompitensiya.

Katunayan, nang lumabas umano ang sexy cover photo ni Ellen sa isang magazine ay nag-text si Sam para i-compliment ang kaibigan.

“When I saw nga her FHM... oh my god ang hot mo, tinext ko pa nga siya e. Sabi niya, ‘I’m just following your footsteps sa sexiness.’ Sabi ko, ‘hindi, ibang level yung sa’yo," masayang kwento ni Sam.

Sa ngayon, maituturing daw na si Sam ang paboritong katambal ngayon ng mga lead actor. Siya ngayon ang leading lady ni Cesar Montano sa action movie na, Hitman.

May iba pa raw mga aktor na nagrequest na sa Viva na makuha rin nilang leading lady ang Kapuso star.

Bukod sa movie, busy din si Sam sa bagong soap ng GMA 7 na Legacy, kung saan kasama niya sina Alessandra de Rossi, Heart Evangelista at Lovi Poe,

Aminado naman si Sam na kinabahan siya sa mga eksena nila ni Lovi.

“’Di ba character ni Lovi sobrang strong, sobrang sosyal, eh yung sa start ng teleserye medyo manang ako," ayon kay Sam.

Inihahanda na rin daw ang pelikulang maglulunsad kay Sam at posibleng sexy ang kanyang maging launching movie.

Wala naman daw problema dito si Sam at pwede niyang gawin ang mga sexy scene basta’t magiging classy at hindi bastos ang pagkakagawa nito.

Source: http://www.gmanetwork.com/news/story/245604/showbiz/chikaminute/sa-paseksihan-walang-kompetisyon-sa-amin-ni-ellen-adarna-sam-pinto?ref=subsection_banner

Posted on 8:06 AM / 0 comments / Read More

Cesar Montano on love scene with Sam Pinto: 'Parang earthquake, may aftershock'

Tulad ng ibang aktor na nakilala bilang action stars, isa si Cesar Montano sa umaasa na muling mabubuhay at magiging mainit muli ang pagtanggap sa local action movie.

Sa bago niyang pelikulang Hitman —na siya mismo ang nagsulat, nagdirek at nag-produce—umaasa si Cesar na ito ay tatangkilikin ng mga manonood.

Ang Hitman, na idi-distribute ng Viva Films ay ipalalabas sa February 22.

ASIONG SALONGA PAVED THE WAY. Naniniwala si Cesar na ang Metro Manila Film Festival 2011 entry na Manila Kingpin: The Asiong Salonga Story ay isang malaking senyales sa magandang pagtanggap muli ng tao sa mga action movie.

"Sa case ng Asiong Salonga, we should be very happy. [Maganda] yung reception na ibinigay sa Asiong Salonga.

"Kung titingnan mo, yung kasabay ng Asiong Salonga... And to think it's a Metro Manila Film Festival [pero pinanood din].

"And we all know na kapag MMFF, hindi na kailangang maghintay pa tayo or kailangan natin ng fortune teller. Alam na natin ang mangyayari riyan.

"Alam na natin na pambata yung Enteng [ng Ina Mo] or Panday.

"Yun na lang hinihintay natin, kung ano ang gagawin ni Vic [Sotto] or ni Senator Bong [Revilla sa pelikula].

"Sabi ko nga, kung hindi 'yan pinalabas ng MMFF, tatabo nang husto 'yan.

"Kahit 70 million ang ginastos diyan, baka makabawi pa.

"But I'm very, very happy for the reception of people sa Asiong Salonga."

EYEING INTERNATIONAL FILMFESTS? Ang pelikulang Hitman ay plano rin ni Cesar ma maipalabas sa international film festivals abroad.

Ito ang naging pahayag ni Cesar sa press conference ng nasabing pelikula sa City Best Restaurant nitong Huwebes, January 19.

"Of course, yun ang intention, ma-invite sa international film festival. Kasi, maganda ang istorya.

"Hindi naman siya hard-action na...as in hard action na napapanood natin before.

"Sana makita ng ibang festival at ma-exhibit pa.

"Marami kaming nakapila ng Viva Films na gagawin this year.

"Immediately after this, magsisimula na kami sa February for another film na yield talaga for international film festival."

Gaano siya kasaya na nakagawa siyang muli ng action ng film?

"I'm very happy," sabi ni Cesar.

"Maligayang-maligaya ako dahil, at least, ako ang isa sa mga artista na naging part para buksan ulit ang pintuan ng action film para sa industriyang ito.

"And I know, not only for the actors, pero gayundin sa ilang manggagawa sa pelikula na magkakaroon din ng trabaho.

"So, it's very, very important for us na mabigyan ng sigla [ang action movies].

"Anything na makakapagbukas ng trabaho para sa manggagawa ng pelikula is a positive thing for our industry."

LOVE SCENE WITH SAM? Sa trailer pa lang ng Hitman, ipinakita na ang love scene nila ng leading lady niya sa movie na si Sam Pinto.

Kung tutuusin daw, matagal-tagal na rin walang love scene si Cesar, bakit biglang nagkaroon with Sam?

"Alam n'yo, sa totoo lang, ayoko sana itong pag-usapan," pasubali ng actor-director.

Pero siyempre, inudyukan si Cesar na pag-usapan pa rin.

"Alam n'yo, sa totoo lang, pagkatapos ng eksena naming yun, namamangha ako.

"Parang earthquake, may aftershock.

"Hindi mo siya nakakalimutan. Mahirap kalimutan."

Dugtong pa niya, "At saka, sa akin, ako na ang director, ako pa ang writer, it's difficult for me para gawin yung eksena.

"Paano ba 'to na hindi siya mao-offend, or hindi siya mag-iisip na parang sobra na?

"Parang ayoko naman na kulang ang shot.

"Pagdating kasi, ayokong mamroblema sa editing. Na, 'Bakit walang ganito?'

"Na hahanapan ka ng editor mo. E, wala na, tapos na ang shooting."

So, tinodo na niyang talaga?

"Kailangan ganoon, e.

"Dapat naman, when it comes to acting, when it comes to performance, you have to give your all.

"Dapat ganoon."

Sa mga binitiwang salita ni Cesar patungkol sa kanyang leading lady na si Sam, hindi kaya pagsimulan ito ng isyu sa pagitan nila ng misis na si Sunshine Cruz?

"Alam n'yo, si Shine [tawag din kay Sunshine] siyempre, artista rin siya dati.

"I'm very sure na naiintindihan niya lahat ng ginagawa ko as a director, writer, and producer," saad ni Cesar.

Source: http://www.gmanetwork.com/news/story/245232/showbiz/cesar-montano-on-love-scene-with-sam-pinto-parang-earthquake-may-aftershock?ref=subsection_banner

Posted on 8:14 AM / 0 comments / Read More